أخبار الجزيرة المصورة

31 ديسمبر 2011

أفضل مجموعة من الامثال الشعبية الدارجه

حسنة قليلة تمنع بلاوى كتيرة
اعمل الخير و ارميه فى بحر جاري وان ضاع عند العبد ما يضعش عند البارى
أعمل الطيب وأرميه البحر
أجود من الدهب من يجود بالدهب
الصدقة المخفية فى البيع والشرا
زى قواديس الساقية المليان يكب ع الفارغ
الجودة من الموجود
الساعى فى الخير كفاعله
أعمل المعروف مع أهله وغير أهله
الخير يخير والشر يغير
الخير يخير لما الفقر يدنى و يغير
قدم الخير لجارك تلقاه فى دارك
من آسى عليك أحسن له يكفي المجازي فعله
بيت المحسن عمار
خيرك كان يغطى على عينك
خير الشبة يبان على الضبة
زيادة الخير خيرين
إن عملت خير ما تشاور
ريحة البر ولا عدمة
الزيادة فى الوقف حلال
إطعم مطعوم ولا تطعم محروم
اللي يعمله الفقي في البنيه يلتقي
اللقم تمنع النقم
إللي يعمل جميل يتمه
إطعم الفم تستحى العين 
القناعة كنز لا يفنى
القناعة مال وبضاعة
إللى عنده عيش وبله عنده الفرح كله
لما تصفى النية اللقمة تكفى مية
لقمة هنية تكفي مية
من رضي بقليله عاش
أقل زاد يوصل للبلاد
إقنع بالحاضر على ما ييجى الغايب
رطل نحاس بيغنى ناس
أكل واحد يكفى عشرة
بصلة المحب خروف
اللي يبص لفوق يتعب
إللى يبص لفوق توجعه رقبته
شعيرنا ولا قمح غيرنا
إللى ياكل فول يمشى عرض وطول واللى ياكل كباب يبقى ورا الباب
بغدود نابت يقضيك و تعيش نفسك عفيفة وبكرة الموت يأتيك وراسك تساوي راس الخليفة
عين ما تنظر قلب ما يحزن
إللى ما هو فى أيديك يكديك واللى عند الناس بعيد
إن كان لجارى ما يهنالى
جحر ديب يساع ميت حبيب
لقمة جاري ما تشبعني وعارها متبعني
لقمة البيوت ما اتقوت وان قاتت ما باتت
إن حضر العيش يبقى المش شبرقة
أهرى فولك فى كشكولك
حمارتى العرجة ولا فرسك يا أبن العم
حمارتك العرجاء تغنيك عن سؤال اللئيم

يا بخت من قدر وعفي
صبح ولا تقبح والمسامح كريم
أهل السماح ملاح
الشر إن بات فات
أقبل عذر إللى يجيلك لحد باب الدار
صلح خسران أخير من قضية كسبانة
من آسى عليك أحسن له يكفي المجازي فعله
القلب الأسود اللى يشيل و يحوش كتير عمره قصير

كبير القوم خادمهم
حط راسك بين الروس تسلم
البلاد بلاد الله والخلق عبيد الله
حط راسك بين الروس وأدعى عليها بالقطع
الدست قال للمغرفة يا سودة يا معجرفة قالت كلنا أولاد مطبخ
من امنك لم تخونه ولو كنت خاين
الشجرة إللى تضلل عليك ما تدعيش عليها بالقطع
من زادك زيده واجعل أولادك عبيده
اللي مالوش قديم مالوش جديد
بير تشرب منة ما ترميش فية حجر
الحر من راعى وداد لحظة

 
إللي كسب قال المساحة صحيحة و إللي خسر قال جت على ناس ناس
بات مغلوب مغلوب و لا تبات غالب
سبع والا ضبع
يوم النصر مفيش تعب
الغلب مش عيب لما القضا اتحكم , واتسلطن ابن الندل فى الاصيل واتحكم
 
 
 
توته توته فرغت الحدوته
خلص السلام بقى التفتيش فى الأكمام
ركب الخليفة وانفض المولد
ماتت الحمارة وانقطعت الزيارة
 
 
 
دوام الحال من محال
النهاردة دنيا وبكرة أخره
أمتى طلعت القصر قال إمبارح العصر
بعد الجوعة والقلة بقى لة حمار وبغلة
بعد ما كان بيحجل زى الغراب لبس جزمة و شراب
بعد ما كان بينام على المصطبة نجدله لحاف و مرتبة
بقى للشخرم مخرم وبقى للقرد زناق وبقى له مره يحلف عليها بالطلاق
الله يلعنك يا زمان يا للى خليت للندل كلام و جبت اللي ورا قدام وخليت السيد خدام
كبر البصل وادور ونسي حاله الأول
الدراهم مراهم تخلى للعويل مقدار وبعد ما كان بكر سموة الحاج بكار
بعد القمل والسيبان بقى احمر وأخضر وملطع ع الحيطان
ما واحدة على الكوم إلا وشافت لها يوم
نام وقام لقى روحه قايمقام
النخالة قامت والعلامة نامت
الأقرع حصل أبو تاج
العلامة انكبت والنخاله قبت
القوالب نامت و الانصاص قامت
من هيس راكب تيس ومن عجبه لابس غراره متلفع بعرق خبيز ولا يخلي الجمارة
بعد ما كان سيدها بقى يطبل في عرسها
إش بعد الكتير و بعد ما كنا صبح القليل يجبر بخاطرنا
جارية تخدم جارية قال دى داهية عالية
رجع الباب لعقبه
رجع العجل بطن أمه
رجع الغزل صوف
أكل فوله ورجع لأصوله
بعد جوعه يرجع لمرجوعه
خرطة الخراط وأدقلج مات
يا قوم لكم يوم
 
 
اللي أنكسر يصلح
اللي فات مات
اصطلح الفار على العرسة ونسيوا الهتيكة والجرسة
اصطلحت المقشة و يا البلاعة و الاتنين بقوا جماعة
 
 
أربط الحمار جنب رفيقة إن ما تعلم من شهيقة يتعلم من نهيقة
من عاشر الزبداني فاحت عليه روايحه
من عاشر المتلوم يتلام
من عاشر المتهوم يتهم
راح يخطبها له إجوزها
ضربوا بتاع التوم خاف بتاع الكسبرة
 
 
إضرب الطينة فى الحيطة إن ما لزقت علمت أثر
أقل بصلة تنزل دمعة
أقل باب يحوش الكلاب
حبة تتقل الميزان
الزن على الودان أمر من السحر
شرارة تحرق الحارة
الفرح الدايم يعلم الرقص
 
 
جر السحلية و لا قطع الذرية
من ولد ولد والتاني , بقى عجوز فاني
من جابت اتنين فى صباها عدمت حيلها وقواها
البطن بتجيب الزين والشين
البطن ما تجبيش عدو
لما قالوا ده ولد شد ضهره و انسند
الست اللي ما بتخلفش زى الضيف
اسى الولادة منسى
أم بربور تجيب الشاب الغندور
يا مخلفه البنات يا دايخه للمات
اصباح الخير تحبل اصباح الخير تولد
شايلة و مرضعة و جارة أربعة و طالعة الجبل طالبة الحبل
جاتها خيبة اللى عايزة الخلف
خلف يشرف و خلف يقرف وخلف يجيب العار لحد الدار
ما تبكوش على اللى خابت زرعته ابكو على اللى خابت ذريته
خلفتهم لما حفى ديلى و ربيتهم للغير يا ويلى
الراجل الخايب خلفته كتير والبطيخة القرعة لبها كتير
زى خلفة الناموس البنت خايبة و الولد متعوس
ما اداهمش لمن ولدت دا اداهم لمن سعدت
ما يفرح فى الزفة إلا قليل الخلف
ما تبان البضاعة إلا بعد الحبل و الرضاعة
الحمل ثلاثة و حم و ثلاثة سأم و ثلاثة شحم
الحبلة تمشى و تتمايل و تحسب ان الحبل دايم
الطلق حرب الصبايا

 
الطمع يقل ما جمع
عمر الطمع ما جمع
طمعنجى بنا له بيت فلسنجى سكن له فيه
جفن العين جراب ما يملاة إلا التراب
من طلب الزيادة وقع في النقصان
البقة تولد ميه وتقول يا قلة الذرية
حبلة ومرضعة وشايلة أربعة وطالعة الجبل تجيب دوا للحبل وتقول يا قلة الذرية
العيش من العيش والدناوة ليش
اللى ياخد قوتي ناوي على موتي
خدوا من فقرهم وحطوا على غناكم
غنوها ما اتغنت قالت يا ستي قرقوشة
أنا غنيه وأحب الهديه
رزق نازل من السما من خرم إبرة جه يوسعه سده
راح يخطبها له إجوزها
لا يفوته فايت ولا طبيخ بايت
 
 
خير تعمل شر تلقى
آخرة خدمة الغز علقة
آخر المعروف ضرب بالكفوف
ان عمل صوابعه مسرحية و قتيلة ما فى حمد و لا جميلة
يا ناكر خيري بكره تعرف زمني من زمن غيري
عتاب الندل اجتنابه
اللى ما ينفعش فى الضيق ما يعاشر رفيق
ابن الديب ما يترباش
انا فيك بدادي وانت بتقطع في أوتادي
أنا فى همك بتاتى و انت فى قلع أوتاتى
ازرع ابن أدم يقلعك
خدها لحم ورماها عضم
ربيت كلب وأندار عقرنى
لما يطيب العليل ينسى جميل المداوي
خير ما عملنا والشر جانا منين
كل شيء تزرعه تقلعه الا أبو راس سودة تزرعه يقلعك
بات فى بطن سبع ولا تبات فى بطن بنى أدم
علمناهم الشحاتة سبقونا على الأبواب
زدنى يا نقاوة عينى
 
 
حسدوا البين على طول شواربه
حسدوا الغجر على ظل الشجر
حسدتنى جارتى على طول رجلية
يحسدوا العريان على شراية الصابون
يحسدوا الأعمى على طول عكازه
يحسدوا العمي على وسع الطريق
يحسدوا العمي على مشى السكك
أبو الف حسد أبو ميه
أبو ميه يحسد أبو تنيه
الحسد عند الجيران والبغض عند القرايب
الجار السو يحسب الداخل ما يحسب الخارج
العين قطعت الحجر نصفين
خزانة من غير باب ويقولوا يارب أكفينا شر الحساد
الكحكه فى إيد اليتيم عجبه
 
 
إن أتهدم بيت أخوك خد لك منه قالب
زى المنشار طالع واكل نازل واكل
أبو بلاش كتر منه
حمار ما هو لك عافيته حديد
زى البراغيث يتلموا على الضيف
سكتنا له دخل بحماره
يصطاد فى المية العكرة
زى ولاد بلبيس يبيعوا العيش ويشحتوه
 
 
الكذب ما لوش رجلين
إن كان الكدب حجة يكون الصدق أنجى
قالوا للحرامى احلف، قال جالك الفرج
حلفوا القاتل قال جاك الفرج يا قليط
زى قراية اليهود تلتينها كذب
ربك وصاحبك لا تكذب عليه
جابوا الخبر من أبو زعبل إن العجايز تحبل
حد يقول البغل فى الأبريق
 
 
زى السمك ياكل بعضة
زى الحديد نقطع فى بعض
زى كلاب السكة يعضوا إللى ماشى
زى الدبان يعف ع الضعيف
حى طلب موت حى مجنون يستاهل الكى
الجاري فى الشر ندمان
الخير يخير والشر يغير
 
 
الحرام يتاكل بأيه
اللى يدوق الحرام ياكل ما يشبعش
الباطل ما لوش رجلين
إللى واكل لحمة نية توجعه بطنه
القباني شريك المحتسب
القاضي ان مد إيده كترت شهود الزور
الفاجر ياكل مال التاجر
حلال كلناه حرام كلناه
إللى ياكل فول يمشى عرض وطول واللى ياكل كباب يبقى ورا الباب
بكرة تقوم القيامة و ينصبوا الميزان و يبقى المعدي يعدي والشقي حيران
 
 
اللى بتجيب سيرتى تحتار حيرتي
السلطان مع هيبتة ينشتم فى غيبتة
 
 
لا تعايرني ولا أعايرك الهم طايلني وطايلك
إللي بيته من إزاز ما يرميش الناس بالحجارة
إللي تعايرني بية النهاردة تقع فيه بكرة
من عاير ابتلى ولو بعد حين
اللي بيعاير ما على باله من اللى داير
عيوبي لا أراها وعيوب الناس أجري وراها
 
 
الشماتة تبان فى عين الشمتان
شماتة الحساد تفتت الأكباد
عدوتي وعملت مغسلتي
اللي جرالي كفى خلي خلي البال يشتفى
كبر الكوم ولا شماتة الأعداء
خايف أقول يانى و العدو جنبى ، خايف أقول يانى يقول خلص ذنبى
بركة يا فنا اللى خدته هو و خلتنى أنا
الفرح فى ميت المخلص و أهل شرشابه بترقص
 
 
الأجر مش قد المشقة
تخانقنى فى زفة وتصطلح معايا فى حارة
حاجة الست فى الصندوق وحاجة الجارية فى السوق
إن وقعت البقرة كترت سكاكينها
الظن السو يودى جهنم
أكل الحق طبع
جلد ما هوش جلدك جره على الشوك
 
 
عينه في الطبق وودنه لمن زعق
 
 
زي فوط الحمام كل ساعة فى وسط راجل
ماشية على حل شعرها
 
سوء الحال

افقر من الفقر
افقر من الدبور
إذا كان النبيت دردى و العشيق كردى و النقل فول حار و العشا بصار ايش يكون الحال
موت وخراب ديار
لا بر ولا هدوء سر
سبع صنايع فى ايديه و الهم حاطط عليه
يا قلب يا قفص ياما فيك من غصص
يا قلب يا كتاكت يا ما فيك وانت ساكت
رضينا بالهم والهم موش راضى بنا
اتلم المتعوس على خايب الرجا
المتعوس متعوس ولو حطه على بابه فانوس
المتعوس ان جه يتسبب في الطواقي يخلق الله ناس من غير روس
ربنا ما يقطع بيك يا متعوس يروح البرد ييجي الناموس
أشكوا لمين وكل الناس مجاريح
على ما يسعد المتعوس يفرغ عمره
فرحة ما تمت خدها الغراب وطار
طلع من معصرة وقع فى طاحونة
راحت من الغز هاربة قابلوها المغاربة
خارج من الحريقة قابله الغراب زغطه
على ما تتكحل العمشة يكون السوق خرب
قسموا القسايم خدت أنا كومي قالوا مسكينة قلت من يومي
بختي لقاني في الطريق بعرج قالي ارجعي يا خايبة لارقد
غيرت بختى و البخت ما تغير و الله قليل البخت متحير
جيت أغير البخت ما تغير اتارى قليل البخت متحير
على بخت الحزانى هدوا الخزانة
له في كل خرابة عفريت
المغلوب مغلوب وفي الآخر يضرب طوب
من يوم ما ولدوني في الهم حطوني
ناس ياكلو البلح وناس يترموا بنواه
غاب عنا فرحنا جانا اثقل منه
صام وفطر على بصلة
السنة السودة خمستشار شهر
سلم من الدب وقع فى الجب
زي عذاب الزيت فى القنديل تحته ميه وفوقه نار
زى كرابيج الحاكم إللى يفوتك أحسن من إللى يحصلك
النار والحريق ولا انت في الطريق
طلع من نقرة لدحديرة
كل هم في البلد ييجي لقلبي وينسند
كنت بالهم القديم راضي جاني الجديد زود أمراضي
بتضحك على ايه و حملك من ورا مايل
لا اتجوزت ولا خلي بالي ولا انا فضلت على حالي
ما بالميت موته ومابه زنقة القبر
ما تيجي الطوبة إلا في المعطوبة
ما تيجي المصايب الا من الحبايب
خبطتين فى الراس توجع
حطوا علي كلكم لما الهم خلاني لكم
هم يضحك وهم يبكي
إذ أشتد الكرب هان
قضيت العمر في قهر هوا العمر كام شهر
من قلة الحنية بتنا على جفا وخدنا من بيت العدو حبيب
من شاف بلوة غيره هانت عليه بلوته
اترك الهم ينساك و ان افتكرته ضناك
 
 
الخايب خايب و يطلع من الدنيا بلا نايب
يا خيبة خيبيه قالت أديني بالجهد فيه
إن عمل ولا ما عمل متعوس وخايب الأمل
تيتي تيتي زي ما رحتي جيتي
عايبة بتعلم فى خايبة قال جت للأتنين نايبة
أعمى اتجوز طارشة لا هو شايفها ولا هى سامعاه
في الأكل سوسة وفي الحاجة متعوسة
يادي الشيلة يادي الحطة رحت على جمل وجيت على قطة
جا يكحلها عماها
خدتك عواز خدتك لواز خدتك أكيد العوازل كدت أنا روحي
خدتك سلف من العوز يا سنبلة روحى خدتك اكيد العوازل كدت انا روحى
راحت تاخد بتار أبوها رجعت حبلى
طول الغيبه وجه بالخيبه
الخيبة حطة و الباب مفتوح سده قوام لريحتها تفوح
خيبة الناس السبت و الحد و خيبتى ماهيش على حد
شيعت جاني يجيب جاني راح جاني ولا جاني
جبت الأقرع يونسني كشف راسة وخوفني
جبتك يا عبد المعين تعني لقيتك يا عبد المعين تنعان
زى إللي رقص على السلالم لا إللي فوق شافوه ولا إللي تحت سمعوه
زي ساعي اليهود ما يودي خبر ولا يجيب خبر
إتلم المتعوس على خايب الرجا
جايب لي زعيط ومعيط ونطاط الحيط
نغسل غسيل هلس ونتكل على الشمس
رزق نازل من السما من خرم أبرة جه يوسعه سده
ضربوا الأعور على عينه قال أهي خسرانه خسرانه
طلعت تجري يا دندون انك تكيد الرجالة خطفوا طاقيتك يا دندون ورجعت راسك عريانة
إللي سلم من الموت إجنن
خايب أمل وغشيم عمل
الخيبة عز تانى
مالك يا خايبة بتتعلقي في الحبال الدايبة
لا ليه في الطور ولا في الطحين
لا هناك ولا هنا
لافيش ولا عليش
لا فوق ولا تحت
لا صنعة ولا أستادية
زي الجمل إللي يحرته يبططه
زي فقرا اليهود لا دنيا ولا أخرة
زي المراكبية يتخانقوا على حبل
زي حداد الكفر حياته وموته فى النار
جابو العاميه ترد الرميه
جابوا اعورنا يقيد نوارنا
جا الخروف يعلم ابوه الرعي
البدرية علمت أمها الرعية
لا للبيت ولا للغيط
عويل بلاده عويل بلاد الناس
حسدتني جارتي على طول رجليه
حسدني البين على كبر شواربي
حسبنا حساب الحية والعقربة ما كانت على البال
 
 
إللي تحبل باليل تولد بالنهار
إللي تحبل فى الفرن تولد فى الجرن
إللي واكل لحمة نية توجعه بطنه
إللي يكدب نهار الوقفة يسود وشه نهار العيد
يا خاين وعامل من الليل ستارة بكرة يروح الليل و تظهر الأمارة
إللي على راسه بطحه يحسس عليها
على راسة صوفه
دقت الطبلة وبانت الهبلة
دقوا الطبل على التلة جريت كل مختلة
طلع النهار وبان العوار
على الكبر شاع الخبر
على وشك يبان يا مداغ اللبان
عيبه في وشه منين يدسه
الفتلة تبين العملة
ماله رايح وعرضه فايح
نشفت البركة وبانت زقازيقها
لما تتخانق الحرامية يبان المسروق
قالوا لحرامي الدقيق احلف قال يا مره انخلي
قالو الجمل طلع النخلة قالو أدي الجمل وأدي النخلة
فين عزمك يا فشار آدي السيف وادي صاحب التار
إقطع العرق يسيح دمه
نهق الحمار طلع النهار
بلدنا صغيرة ونعرف بعض
 
 
فقر المرء في وطنه غربة
فقر بلا دين هو الغنى الكامل
الفقر حشمة والعز بهدلة
العري يعلم الغزل
الفقر خزام العتريس
مخدة العز شوك ريحان و مخدة الفقر ريش نعام
العين بصيرة واليد قصيرة
زى سلاقين البيض أول بأول
طلب الغنى شقفة كسر الفقير زيرة
العريان فى الأخر مرتاح
ربنا ريح العريان من غسيل الصابون
علشان بطنه حلقوا دقنه
 
 
قليل البخت يلاقي العظم في الكرشة
قليل البخت يتكعبل في السديري
قليل البخت يعضو الكلى في المولد
سبع صنايع والبخت ضايع
يمسك الكسبانه يلاقيها خسرانه
راحت من الغز هاربه قابلوها المغاربه
جت الحزينة تفرح ما لقتلهاش مطرح
جيت أتاجر فى الكتان ماتت النسوان
جيت أدعي عليه لقيت الحيطة مايلة علية
جا يتاجر فى الحنة كترت الأحزان
عملوك مسحر قال فرغ رمضان
مزين فتح براس أقرع استفتح
جيت بيت أبويا أرتاح قفلوا فى وشى وتوهوا المفتاح
قلت لبختي انا رايحة اتفسح قال وانا مانيش مكسح
رزق نازل من السما من خرم أبرة جه يوسعه سده
 
 
أنضف من الصيني بعد غسيله
إيش ياخد الريح من البلاط
ايش تاخد من تفليسى يا برديسى
افلس من اليهودي نهار السبت
ما عدش فى الخم ريش لا مفصص و لا بلا تفصيص
خد من الحافى نعله
سيدي ما أخفه ولا في إيده ولا في طرفه
المفلس في أمان الله
المفلس يغلب السلطان
التاجر لما يفلس يفتش فى دفاتره القديمة
جبال الكحل تفنيها المراود وكتر المال تفنيه السنين
دور فى دفاتره القديمة مالقاش إلا غطا زيره
الخسارة تعلم الشطارة
خسارة الشوية و لا خسارة البنية
خسارة الربعية و لا خسارة البنية
الخسارة المستعجلة ولا المكسب البطيء
خسارة قريبة و لا مكسب بعيد
خسارة فى المال و لا خسارة فى العيال
خسر سوقك و لا تخسر فلوسك
طلع من المولد بلا حمص
لاطال توت الشام ولا عنب اليمن
قالو للصياد اصطدت ايه قال اللي في الشبكة راح
 
 
الجعان يحلم بسوق العيش
الجعان يمدغ الزلط
الجوع كافر
الحجر خالي واللبن للديل
جا للعمي ولد قلعوا عنيه من التحسيس
 
 
العقدة تغلب النجار
نعناعة جاية تكمل الجماعة
عود فى حزمة يعمل أيه
العين بصيرة والإيد قصيرة
أملي عينك و دكها و ايدك ما تقدر تمدها
إللى ما معهوش ما يلزموش
تروح فين يا صعلوك بين الملوك
إن عضنى الكلب ماليش ناب أعضة وأن سبنى الندل ماليش لسان أسبه
 
 
ربطة قرماني ما تتحل إلا في مكة
زي الجوز ما يجيش إلا بالكسر
زي الحمار ما يجيش إلا بالنخس
زي الطواحين ما يجيش إلا بالدق من ورا
زي النحل ما يطلعوش إلا الدخان
زي فرح الهدهد كل ما يقرب يبعد
 
 
زى قواديس الساقية مشنوق من رقبته ورجله
زى النسناس مربوط من وسطه
دخول الحمام مش زى خروجه
الحبس حبس ولو في بستان
 
 
صاحب بالين كداب و صاحب تلاتة منافق
كتير الحركة قليل البركة
كتير النط قليل الصيد
قرد وحارس وبياع مكانس
 
 
إللى ما يرضى بحكم موسى يرضى بحكم فرعون
 
 
إللى افتكرناه موسى طلع فرعون
حسبنا حساب الحية والعقربة ما كانت على البال
 
 
حطيت صوابعى العشره فى الشق

ليست هناك تعليقات:

إرسال تعليق

معرض الصور

معرض الصور


من البداية