جريدة دســــــــــــــوق اليـــــــوم

هتافات المصريين فى ثورة التحرير

كانت الهتافات التي تم إعلانها و تدوالها بين المتظاهرين في مصر متنوعة و مختلفة من مكان الى مكان أخر تبعا للمطالب و الهدف من التظاهر

* فكانت الهتافات امام ساحة دار القضاء العالي

''أه يا حكومة قطع الأيد''
''أنت يا مصري إيه أفكارك''
''ثورة مصر جاية جاية بالعدالة والحرية''
''خالد سعيد مات مقتول ومبارك هو المسئول''
"حكم 30 سنة في هذا العصر هو إهانة للشعب مصر''

* وكانت الهتافات في شارع جامعة الدول العربية

''لا للفقر والغلاء والبطالة والفساد ونهب المال العام''
''لا لقانون الطوارئ وتزوير الانتخابات''
''بالروح بالدم نفديكي يا مصر انتخاباتكم مزورة.. ومجلس باطل.. والبرلمان غير شرعي''
''واحد.. اتنين.. الشعب راح فين''

* وكانت الهتافات في ميدان التحرير

''لا ذل ولا إهانة للمصريين''، و''إحنا الشعب''
''تحيا مصر'' و''ارفع صوتك زى الناس.. إحنا كرهنا الظلم خلاص''
''صحي الخلق وهز الكون.. مصر بلدنا مش هتهون''
''يا أهالينا يا أهالينا.. ضمو علينا ضمو علينا''

* وكانت الهتافات في محافظة الغربية

''الدنيا تولع نار''
''والإصلاح بقي شيء مطلوب قبل الشعب ما يأكل طوب''
''يا وزراء طفوا التكييف مش لاقيين حق الرغيف''
''يسقط يسقط الاستبداد''
''بالطول بالعرض هنجيب النظام الحاكم الأرض''
''تحيا مصر والله أكبر''، و''اصحوا وفوقوا يا مصريين.. مش هنقول للظلم آمين''
''الطلاب ويا العمال.. ضد الفقر والاحتلال''
''يا وزير داخلية مصر.. الحرية لشرفاء مصر''
''ثورة ثورة حتى النصر.. ثورة في تونس وفي مصر''
''ارحل ارحل عنا يا ظالم''
''ثورة ثورة يا مصريين على حزب المجرمين" * أما الهتافات في بولاق الدكرور فكانت

''ثورة ثورة حتى النصر.. ثورة فى كل شوارع مصر''
''لا للطوارئ''
''إقالة وزير الداخلية مطلبنا''
''يا أبو دبورة ونسر وكاب.. إحنا إخواتك مش إرهاب''
''بطل تمشى جنب الحيط.. أصل سكاتك مش هيفيد''
''يا أهالينا ضموا علينا''
''ولو عايز عيش بلاش تنتحر.. وانزل خد حقك''
''واحد اتنين.. الشعب المصرى فين''

''تحيا مصر.. عايزين كمان حرية''

''حرية أهالينا عايزين نخلص من بلاوينا''
''كفاية ارحلوا عنا.. الحزب الوطنى خربها''
''ثورة ثورة حتى النصر.. ثورة فى كل شوارع مصر''