ظهر على موقع الفايسبوك فيديو مصور لمجموعة من الشباب المعتصمين أمام مجلس الوزراء في مصر وهم يتعاطون المخدرات، ما اعتبره البعض محاولة لتشويه شباب الثورة.
يتداول النشطاء على موقع الفايسبوك فيديو يظهر مجموعة من الشباب المعتصمين أمام مجلس الوزراء وهم يدخنون المخدرات، البانجو أو الحشيش. فيما اعتبره نشطاء محاولة لتشويه سمعة شباب الثورة.
ويظهر في الفيديو الذي التقطته الكاميرات الخاصة بمجلس الوزراء مجموعة من الشباب الذين كانوا يعتصمون أمام مقر الحكومة ومجلس الشعب ليلاً، وهم يتبادلون "ورق البفرة" المستخدم في لف المخدرات، فيما يتنحى أحدهم إلى جانب خيمته، ويبدأ بلف مخدر الحشيش في ورق السجائر. وذلك قبل اندلاع أعمال العنف في 16 ديسمبر الجاري. وعرضت قناة الناس التابعة للتيار السلفي لقطات الفيديو، مصحوبة بتعليق المذيع خالد عبد الله، المعادي لليبراليين.
وإنهالت التعليقات على الفيديو على موقع يوتيوب والفايسبوك، وكانت أغلبها تصب في خانة إنتقاد عرض القناة للفيديو، معتبرة أنها محاولة لتشويه صورة شباب الثورة، ومنها:" الكلام ده نصه حقيقي، و محدش قال إن كل اللي فى الشارع ملايكة و كل ده عمره ما يدي مبرر للي حصل، و شفت البنات و الرجالة الجدعان هي اللي بتضرب و بتتسحل مش الحشاشين !"، "طب اشمعانا الفيديو دا جي للشيخ خالد بالذات، مع انه كدة من جهة امنية و مركزة عى اللي بيشرب و يا ريت طالما في فيديو يوضح الحشيش.. يا ريت يجيبوا لينا فيديو بداية المشكلة علشان نعرف مين الغلطان"، " بكل بساطة القنوات التانية لن تعرض هذه المشاهد، لأنها قنوات فتنة ومش ممكن هتعرض فيديو زي دا لأنهم مصورينلنا المعتصمين كأنهم ملايكة نزلوا من السماء"، "حتى لو كان حشيش ياعم .. داهية مصر العبقري الحربي، كان حشاش .. عارف كان مين؟ السادات، و كان بيحشش، و أسأل الناس اللي تعرف عن السادات، و نص مصر بتحشش، ووجود جزء من الناس بيحششوا مش معناه ان الكل بيحشش، و زي ما نبدي سوء النية، نبدي حسنها، وبعدين الناس معتصمين هناك بقالهم كتير، يعني اكيد عارفين ان في كاميرا بتصور، مكانش هيلف حشيش قدمها بقى ؟! ولا إيه ؟
واتحدى اللي ناشر الفيديو دا انه ينشر فيديو للإعتصام ساعة الهجوم عليه، اتحدى !!"، "اه دلوقتى الناس تقول بلاش تظلموهم دول بيلفوا تبغ، لكن لو كانوا جنود جيش مثلا، كان زمانكم قولتوا ده اكيد حشيش بنسبة 100% زى كده البنت اللي التلاتة اللي معاها شدوها من هدومها قومتوا لبستوها فى الجيش بخلاف انها كانت جاهزة ومستعده ولابسة على اللحم"، "وليه ما يكونش كلاب الحكومة هم اللى قايلين له يعمل كده ويصوروه عشان يشوهوا صورة الثوار هو في واحد بيلف سيجارة مخدرات يقعد فى الشارع كده وهو عارف ان فى كاميرا قصاده بتصور ايه غاوي يفضح نفسه ولا ايه"، "على اساس ان البلد كلها ماشية ع الطريق المستقيم، ده سلوك فردي وكل واحد حر يهبب اللي هو عايزه فى صحته، لكن لما تحبوا تكرهوا الناس فيهم ياريت تخترعوا حاجة اقوى من كده"، "ايه علاقة نوارة و البرادعي باللي بيحصل ده، و حتى لو فيه كام واحد بيشربوا حشيش ولا مخدرات، هل ده معناه ان الكل كده؟ و معناه ان كل اللي قاعدين في بيوتهم ماحدش فيهم بيعمل حاجة غلط؟"، "الفيديو ده مش قدام مجلس الشعب بطلوا نفاق".
الشيخ الازهري ايضا كان بيلف حشيش والدكتور ايضا كان بيلف حشيش المهندس ايضا كان بيلف حشيش، اتقي الله يا شيخ خالد، فأنت كان النظام السابق يدعوك بالمتطرف الأفغانستاني و لديك اجندات ارهابية"، "هههههههههه، بطلوا تشويه صورة الناس اللى بيعرضوا حياتهم للخطر علشان مستقبلكوا و انتوا قاعدين فى البيوت اتقوا الله"، "طيب لما هو واصل كده ما يجيب لنا تسجيل بداية الاحداث الاخيرة، ومين اللي ضرب مين؟ وبعدين لما الأمن المصري حماة الفضيلة لقوا الناس دي بتشرب حشيش ماراحوش قبضوا عليهم ليه؟ وهما عندهم دليل ضدهم، ولا دي مجرد ذريعة يبرروا بيها قتل الابرياء بالرصاص في الشوارع".
"ههههه كوميدي جدا، بس ايه حسن الظن اللي بالقوي دا، يعني هو الناس اللي قاعدة هناك دي اصحاب مزاج قوي للدرجة دي .. بالمناسبة انا كنت اعرف بعض الاصدقاء بيلفوا تبغ عادي بس لما كانوا بيعملوا الموضوع دا كانوا بيداروا عشان مخدش يفهمهم غلط".
الفيديو الذى يظهر تعاطى معتصمو التحرير المخدرات أثناء الإعتصام
ليست هناك تعليقات:
إرسال تعليق